Еңбек ауылдық кітапханасының ұйымдастыруымен 2026 жылғы «Бір ел – бір кітап» республикалық акциясы аясында қазақ әдебиетінің классигі, Халық жазушысы Қабдеш Жұмаділовтің «Тағдыр» романын насихаттау мақсатында «Ұлт жадындағы – "Тағдыр"» атты библиографиялық шолу өткізілді. Іс-шараның мақсаты – оқырмандарды Қабдеш Жұмаділовтің өмірі мен шығармашылық мұрасымен таныстыру, «Тағдыр» романының тарихи-танымдық, көркемдік және тәрбиелік маңызын насихаттау. Сонымен қатар, шығарма арқылы ұлттық құндылықтарды дәріптеу, тарихи сананы қалыптастыру, отансүйгіштік рухты нығайту, жастардың кітап оқуға деген қызығушылығын арттыру және қазақ әдебиетінің жауһар туындыларын кеңінен таныту.

Шолу барысында жазушының өмір жолы мен шығармашылық еңбегі туралы мәліметтер беріліп, романның негізгі идеясы, кейіпкерлер әлемі, тарихи оқиғалармен байланысы және көркемдік ерекшеліктері кеңінен таныстырылды.