1 маусым – Балаларды қорғау күніне орай №2 филиал кітапханасында «Әр ертегі - бір әлем» атты әдеби лото ұйымдастырылды. Бұл күн балаларға қуаныш сыйлап, кітап пен білімнің ғажайып әлеміне жетелеген ерекше мерекеге айналды.Әдеби лотоға З.Жарқынбаев атындағы №202 орта мектептің жанынан құрылған лагерь оқушылары қатысты.

Іс-шара барысында бүлдіршіндер қызықты кітап көрмелерімен танысып, әдеби кейіпкерлер әлеміне саяхат жасады, танымдық ойындар мен викториналар өткізіліп, өздерінің тапқырлықтары мен шығармашылық қабілеттерін көрсетті.

Балалық шақ – адамның өміріндегі ең жарқын, ең бақытты кезең. Сондықтан әр баланың қауіпсіз, бақытты өмір сүріп, сапалы білім алып, арман-мақсаттарына жетуіне жағдай жасау – баршамыздың ортақ міндетіміз.